कै.गो.ना.आक्षीकर विद्या संकुलात पेरेंट्स डे साजरा

उरण/विठ्ठल ममताबादे,दि.4

समाजातील नातेवाईक किंवा कुटुंब परंपरेत आजी आणि आजोबा यांचे स्थान महत्वाचे आहे.आजी आजोबा यांनी केलेले संस्कार नातवावर कायमस्वरूपी टिकत असतात. आजी आजोबा यांचे महत्व येणाऱ्या भावी पिढीला कळावे, त्यांचे महत्व सर्वांना कळावे या दृष्टीकोणातून दरवर्षी कै गो.ना.आक्षीकर विद्या संकुलात आजी आजोबा दिवस(पेरेंट्स डे )साजरा केला जातो.दरवर्षी प्रमाणे याही वर्षी कै गो.ना.आक्षीकर विद्या संकुलातील जी.ई.आए. एस इंग्लिश मीडियम स्कूल उरण प्री प्रायमरी आणि प्रायमरी यांच्यातर्फे शाळेमध्ये पेरेंट्स डे साजरा करण्यात आला प्रमुख अतिथी माजी शिक्षक पि. ए पाटील , मनीषा पाटील, माजी शिक्षिका सुनंदा कुमार,लक्ष्मण भोये एन.आय.हायस्कूल मुख्याध्यापक, शालेय समिती सदस्य जयश्री भारंबे तसेच पालक शिक्षक संघ सदस्य यांच्या उपस्थितीत हा कार्यक्रम मोठया उत्साहात साजरा झाला.शाळेच्या मुख्याध्यापिका ज्योती पाटील यांच्या मार्गदर्शनाखाली शाळेतील सर्व शिक्षक शिक्षकेतर कर्मचारी विद्यार्थी यांच्या उपस्थित कार्यक्रम सादर झाला. सदर कार्यक्रमाचे सुत्रसंचालन मोहिनी पाटील, मनाली सावंत, क्षमा थळी,माधवी घरत यांनी केले.या कार्यक्रमासाठी विद्यार्थ्यांचे आजी आजोबा मोठ्या उत्साहाने सहभागी झाले.