जिल्हा क्रीडा पुरस्कार सन 2020-21, 2021-22, 2022-23 व 2023-24 साठी अर्ज सादर करण्याचे आवाहन
जालना/प्रतिनिधी,दि.29
जालना जिल्ह्यातील पात्र खेळाडूंनी मागील चार वर्षांच्या जिल्हा क्रीडा पुरस्कारासाठी अर्ज दि. 15 जानेवारी 2024 पर्यंत जिल्हा क्रीडा अधिकारी कार्यालय, जालना येथे कार्यालयीन वेळेत सादर करावेत. असे आवाहन जिल्हा क्रीडा अधिकारी अरविंद विद्यागर यांनी प्रसिध्दीपत्रकाद्वारे केले आहे.
क्रीडा व युवक सेवा, महाराष्ट्र राज्य, पुणे अंतर्गत जिल्हा क्रीडा अधिकारी कार्यालय तथा जिल्हा क्रीडा परिषद, जालना मार्फत जिल्ह्यातील गुणवंत क्रीडापट्टू, गुणववंत क्रीडा मार्गदर्शक यांच्या कार्याचे / योगदानाचे मूल्यमापन होऊन त्यांचा गौरव व्हावा व प्रोत्साहन मिळावे, या उद्देशाने शासनातर्फे जिल्हा क्रीडा पुरस्कार जिल्ह्यातील 1 गुणवंत क्रीडा मार्गदर्शक, गुणवंत खेळाडू ( 01 पुरूष, 01 महिला व 01 दिव्यांग खेळाडू ) असे एकुण 04 पुरस्कारासाठी अर्ज मागविण्यात आले आहेत. सन 2020-21 च्या जिल्हा क्रीडा पुरस्कारासाठी दिनांक 01 जुलै 2019 ते 30 जून 2020, सन 2021-22 च्या जिल्हा क्रीडा पुरस्कारासाठी दिनांक 01 जुलै 2020 ते 30 जून 2021, सन 2022-23 च्या जिल्हा क्रीडा पुरस्कारासाठी दिनांक 01 जुलै 2021 ते 30 जून 2022, सन 2023-24 च्या जिल्हा क्रीडा पुरस्कारासाठी दिनांक 01 जुलै 2022 ते 30 जून 2023 सदर कालावधीसाठी प्रत्येक वर्षाच्या खेळाडूसाठी मागील पाच वर्षाची कामगिरी व क्रीडा मार्गदर्शकासाठी मागील दहा वर्षाची कामगिरी विचारात घेतली जाईल.
गुणवंत खेळाडू – खेळाडूंने पुरस्कार वर्षासह लगतपुर्व पाच वर्षापैकी दोन वर्षे त्या जिल्हयाचे मान्यता प्राप्त खेळाच्या अधिकृत स्पर्धेमध्ये प्रतिनिधीत्व केले असले पाहिजे. गुणवंत क्रीडा मार्गदर्शक – क्रीडा मार्गदर्शक म्हणून सतत दहा वर्ष महाराष्ट्र राज्यात क्रीडा मार्गदर्शनाचे कार्य केलेले असले पाहिजे व त्याने पुरस्कार वितरीत करण्यात येणाऱ्या वर्षात वयाची 35 वर्षे पुर्ण केलेली असणे आवश्यक आहे. खेळाडूने पुरस्कार वर्षासह लगतपुर्व 05 ( पाच) वर्षापैकी 02 ( दोन) वर्षे त्या जिल्हयाचे मान्यता प्राप्त खेळाच्या अधिकृत स्पर्धेमध्ये प्रतिनिधीत्व केले असले पाहिजे.
क्रीडा मार्गदर्शकासाठी गेल्या दहा वर्षात किमान वरिष्ठ गटातील राज्य व राष्ट्रीय पदत विजेते तसेच कनिष्ठ शालेय मधील राज्य ते राष्ट्रीयस्तरापर्यंतचे पदक विजेते खेळाडू तयार केले असतील असे क्रीडा मार्गदर्शक अर्ज करण्यास पात्र राहतील. सांघिक अथवा वैयक्तीक मान्यता प्राप्त क्रीडा प्रकारात नॅशनल गेम्स, वरिष्ठ राष्ट्रीय अजिंक्यपद स्पर्धेत प्रतिनिधीत्व केलेला खेळाडू अथवा राज्य, जिल्हा अजिंक्यपद स्पर्धेत प्रथम तीन क्रमांकापर्यंत यश मिळविणारे किमान तीन खेळाडू घडविणारा मार्गदर्शक विहित नमुन्यातील अर्ज संघटनेमार्फत अथवा वैयक्तीकरित्या मुदतीत सादर करणे आवश्यक राहील. अधिक माहितीसाठी क्रीडा मार्गदर्शक संतोष वाबळे मो. 7588169493 यांच्याशी संपर्क साधावा, अस आवाहन जिल्हा क्रीडा अधिकारी अरविंद विद्यागर यांनी केले आहे.
