18-जालना लोकसभा मतदारसंघ निवडणूक खर्च निरीक्षक म्हणून सर्वना कुमार के. यांची नेमणूक
जालना/प्रतिनिधी,दि. 24
लोकसभा सार्वत्रिक निवडणूक- 2024 च्या अनुषंगाने भारतीय निवडणुक आयोगाने 18-जालना लोकसभा मतदारसंघाकरीता निवडणूक खर्च निरीक्षक म्हणून सर्वना कुमार के. (IRS) (C&CE) यांची नेमणूक केलेली आहे.
खर्च निरीक्षक सर्वना कुमार हे दि. 24 एप्रिल 2024 पासून ते मतदानाचा दिनांक 13 मे 2024 पर्यंत शासकीय विश्रामगृह, जालना, सर्व्हे क्रमांक 488 येथील “पूर्णा ” या कक्षात उपलब्ध असणार आहेत. त्यांचा भ्रमणध्वनी संपर्क क्र. 9699564488 असा आहे. जालना लोकसभा मतदार संघातील विधानसभा क्षेत्र 100-जालना, 101-बदनापूर, 103-भोकरदन, 104-सिल्लोड, 105-फुलंब्री व 110-पैठण येथील नागरिक लोकसभा निवडणुकीच्या प्रक्रियेदरम्यान कोणत्याही अनुचित घटनेची किंवा गैरव्यवहारासंबंधीच्या तक्रारी त्यांच्याकडे नोंदवू शकतात किंवा प्रत्यक्ष भेटून लेखी स्वरुपात सादर करु शकतात, असे मुख्य लेखा व वित्त अधिकारी तथा नोडल अधिकारी (खर्च) राजू सोळूंके यांनी प्रसिध्दीपत्रकाव्दारे कळविले आहे.
