18-जालना लोकसभा मतदारसंघात छाननीमध्ये 12 उमेदवारांचे अर्ज अपात्र

0 1 7 7 3 1

🔊 बातमी ऐका

जालना/प्रतिनिधी,दि. 26

18-जालना लोकसभा मतदारसंघाच्या निवडणुकीसाठी एकूण 47 उमेदवारांनी 68 नामनिर्देशन अर्ज दाखल केले होते. आज दि. 26 एप्रिल रोजी पार पडलेल्या छाननी प्रक्रियेत 12 उमेदवारांचे अर्ज अपात्र ठरले असल्याची माहिती जिल्हाधिकारी तथा जिल्हा निवडणूक अधिकारी डॉ. श्रीकृष्ण पांचाळ यांनी दिली.
भारत निवडणूक आयोगाने जालना लोकसभा मतदारसंघासाठी नियुक्त केलेले निवडणूक निरीक्षक राजेश कुमार यांच्या उपस्थितीत सर्व उमेदवारांच्या अर्जाची छाननी प्रक्रिया पार पडली. त्यात सुपडू आत्माराम पाटील (अपक्ष), शिवाजी उत्तम भारस्कर (अपक्ष), दिगांबर बापूराव कऱ्हाळे (भारतीय वीर किसान पार्टी), भाऊसाहेब घोडके (अपक्ष), रमेश त्र्यंबक बावस्कर (लोकराज्य पार्टी), निला गौतम काकडे (अपक्ष), नारायण त्रिंबक सोन्नी (अपक्ष), राजेंद्र भाऊसाहेब देशमुख (नॅशनल इंडियन काँग्रेस), परमेश्वर पि किसनराव भिसे (अपक्ष), शेख आनिस शहामद (अपक्ष), अशोक विठ्ठल सोनवणे (अपक्ष), दादा गोविंदा भोंबे (अपक्ष) यांचे नामनिर्देशन अर्ज अपात्र ठरले.
यावेळी जिल्हा निवडणूक निर्णय अधिकारी डॉ. श्रीकृष्ण पांचाळ, उपजिल्हा निवडणूक अधिकारी शशिकांत हदगल, सहायक निवडणूक निर्णय अधिकारी श्रीमंत हारकर आदींसह उमेदवार व त्यांचे प्रतिनिधी उपस्थित होते.
अर्ज पात्र ठरलेल्या उमेदवारांची नावे पुढील प्रमाणेः- 1. मंगेश संजय साबळे (अपक्ष) 2. कडूबा म्हातारबा इंगळे(अपक्ष) 3. धनंजय रुपराव काकडे (भारतीय जवान किसान पार्टी व अपक्ष) 4. ॲड.भास्कर बन्सी मगरे, (अपक्ष व शिवसेना)    5. भगवान साहेबराव रेगुडे (हिंदुस्थान जनता पार्टी) 6 . राजेंद्र नामदेव मगरे (अपक्ष) 7. दिपक भिमराव बो-हाडे (समनक जनता पार्टी व अपक्ष) 8. रावसाहेब दादाराव दानवे (भाजप) 9.तानाजी तुकाराम भोजने (अपक्ष) 10. रतन आसाराम लांडगे (अपक्ष) 11. कल्याण वैजिनाथराव काळे (नॅशनल इंडीयन काँग्रेस) 12. मनोज नेमिनाथ कोलते (अपक्ष) 13. चाबुकस्वार राहुल निरंजन (अपक्ष) 14. विकास छगन लहाने (अपक्ष) 15. बनेखॅा नुरखॅा पठाण (अपक्ष व आझाद स्वाभीमानी सेना) 16. बाबासाहेब संतुकराव शेळके (समता पार्टी) 17. बकले प्रभाकर देवगण (वंचित बहुजन आघाडी ) 18. गोरखनाथ राजपुत राठोड (अपक्ष) 19. बासीद युनुस शेख (ऑल इंडीया युनाइटेड डेमोक्रेटीक फ्रंट) 20. शाम पावलस रुपेकर (अपक्ष) 21. अहेमद रहिम शेख (अपक्ष) 22. मारोती दशरथ कांबळे (अपक्ष) 23. शाम रुस्तुमराव शिरसाठ (बहुजन रिपब्लीकन सोशलिस्ट पार्टी) 24. निवृत्ती  विश्वनाथ बनसोडे (बसपा) 25. राजु साहेबराव राठोड (अपक्ष), 26 अब्दुल र‍फीक (अपक्ष) 27. खान एजाज अहमद मोहम्मद बिस्मीलाह खान (अपक्ष) 28. अझहर अनवर सयद (अपक्ष) 29. ॲड. त्रिंबक बाबुराव जाधव (स्वतंत्र भारत पक्ष) 30. रामराव जगन्नाथ दाभाडे (रिपब्लीकन पार्टी ऑफ इंडीया) 31. योगेश दत्तु गुल्लापेल्ली (अपक्ष) 32. ज्ञानेश्वर दगडूजी नाडे (अपक्ष) 33. बाबासाहेब उत्तमराव शिंदे(अपक्ष) 34. मंजुर पाशा शेख (अपक्ष) 35. मुकेश प्रभात राठोड (आखिल भारतीय परिवार पार्टी).
उमेदवारांना सोमवार, दि. 29 एप्रिल, 2024 पर्यंत आपले अर्ज मागे घेता येणार आहे. सोमवार, दि. 13 मे 2024 रोजी 18-जालना लोकसभा मतदार संघासाठी मतदान होणार आहे. या लोकसभा निवडणूकीचा निकाल मंगळवार दि. 4 जून रोजी जाहिर करण्यात येणार आहे.
***