महिला व बालविकास मंत्री आदिती तटकरे यांची ‘दिलखुलास’, जय महाराष्ट्र’ कार्यक्रमात मुलाखत
मुंबई, दि. 24
माहिती व जनसंपर्क महासंचालनालय निर्मित ‘दिलखुलास’ आणि ‘जय महाराष्ट्र’ कार्यक्रमात महिला व बालविकास मंत्री आदिती तटकरे यांची मुलाखत प्रसारित होणार आहे.
राज्यातील महिला आणि बालकांच्या सर्वांगीण विकासासाठी शासनस्तरावर सातत्याने प्रयत्न करण्यात येत आहेत. त्यासाठी महिला व बालविकास विभागाच्या माध्यमातून विविध योजना व उपक्रम राबविण्यात येत आहेत.
चौथ्या महिला धोरणात महिलांच्या सक्षमीकरणासाठी तसेच बेघर बालकांच्या संरक्षणासाठी कोणती धोरणात्मक पाऊले उचलण्यात आली आहेत, याबाबतची माहिती मंत्री कु. तटकरे यांनी ‘दिलखुलास’, ‘जय महाराष्ट्र’ कार्यक्रमातून दिली आहे.
‘दिलखुलास’ कार्यक्रमातून मंत्री कु. तटकरे यांची मुलाखत मंगळवार दि. 28 आणि बुधवार दि. 29 नोव्हेंबर 2023 रोजी सकाळी 7.25 ते 7.40 या वेळेत आकाशवाणीच्या सर्व केंद्रांवरून व ‘न्यूज ऑन एआयआर’ या मोबाईल ॲपवर प्रसारित होणार आहे. ‘जय महाराष्ट्र’ कार्यक्रमातून ही मुलाखत गुरुवार, दि. 30 नोव्हेंबर 2023 रोजी सायंकाळी 7.30 वा. महासंचालनालयाच्या समाजमाध्यमांच्या पुढील लिंकवर ऐकता येणार आहे. ज्येष्ठ निवेदक उत्तरा मोने यांनी ही मुलाखत घेतली आहे.
महासंचालनालयाच्या समाजमाध्यमांच्या लिंक
एक्स – https://x.com/MahaDGIPR
फेसबुक – https://www.facebook.com/MahaDGIPR
यू ट्यूब – https://www.youtube.co/MAHARASHTRADGIPR
