ब्रेकिंग

शेतकऱ्यांना वाऱ्यावर सोडणार नाही; शासन खंबीरपणे पाठिशी – उपमुख्यमंत्री एकनाथ शिंदे   

जालना/प्रतिनिधी,दि.9 राज्यात दुष्काळाचे संकट निर्माण झाले असले, तरी शेतकरी बांधवांनी खचून जाऊ नये. राज्य शासन शेतकऱ्यांच्या पाठिशी खंबीरपणे उभे असून, त्यांना आवश्यक ती सर्व मदत टप्प्याटप्प्याने उपलब्ध करून दिली जाईल. शेतकऱ्यांना कोणत्याही परिस्थितीत वाऱ्यावर सोडणार नाही, अशी ग्वाही उपमुख्यमंत्री एकनाथ शिंदे यांनी जालना तालुक्यातील भिलपुरी येथे दिली. जालना तालुक्यातील भिलपुरी येथील दुष्काळग्रस्त शेतकरी अंबादास तांगडे यांच्या घरी भेट देऊन उपमुख्यमंत्री शिंदे यांनी त्यांच्या कुटुंबीयांसोबत दिवाळी साजरी केली. यावेळी त्यांनी तांगडे कुटुंबीयांशी संवाद साधत शेतीची परिस्थिती, आर्थिक अडचणी आणि शासनाकडून मिळणाऱ्या मदतीची माहिती घेतली. याप्रसंगी त्यांनी कुटुंबासोबत पारंपरिक बेसन, बाजरीची भाकरी, गावरान ठेचा आणि चटणी अशा ग्रामीण जेवणाचा आस्वाद घेतला. यावेळी बोलताना शिंदे म्हणाले की, मी देखील शेतकरी कुटूंबातील आहे. त्यामुळे तांगडे यांच्या घरी आल्यासारखे वाटत नसून स्वतःच्याच घरी आल्याची भावना आहे. शेतकऱ्यांवर मोठे संकट आले असून, या परिस्थितीत समाजातील प्रत्येकाने मदतीचा हात पुढे करणे आवश्यक आहे. शासनाने दुष्काळग्रस्त शेतकऱ्यांना तातडीने दिलासा देण्यासाठी पाच हजार रुपयांची अग्रीम मदत देण्याचा निर्णय घेतला असून, अनेक शेतकऱ्यांच्या खात्यांत ही रक्कम जमा झाली आहे. तसेच दुष्काळ जाहीर केल्यानंतर बारा कलमी सवलतींची अंमलबजावणी करण्यात येत आहे. नुकसान भरपाईसह पीक कर्जाचे पुनर्गठन, सक्तीच्या वसुलीला स्थगिती, शैक्षणिक शुल्कात सवलत आणि पिण्याच्या पाण्याची व्यवस्था अशा उपाययोजनांचा लाभ शेतकऱ्यांना मिळणार आहे. अंबादास तांगडे यांच्याकडे केवळ एक एकर शेती असून, पत्नी मंदाबाई, दोन मुली, एक मुलगा आणि आई अशा कुटुंबाचा उदरनिर्वाह या शेतीवर अवलंबून आहे. कुटूंबाची परिस्थिती जाणून घेतल्यानंतर शिंदे यांनी तांगडे यांच्या मुलीशी संवाद साधला. तिला भविष्यात पोलीस अधिकारी व्हायचे असल्याचे समजल्यानंतर तिच्या शिक्षणापासून विवाहापर्यंतची संपूर्ण जबाबदारी स्वीकारत असल्याचे त्यांनी जाहीर केले. याशिवाय दुष्काळग्रस्त भागातील ज्या शेतकरी कुटूंबांतील मुलींचे विवाह ठरले आहेत, अशा कुटूंबांची माहिती संकलित करून सामूहिक विवाह सोहळा आयोजित करण्याचा निर्णयही त्यांनी यावेळी जाहीर केला. शेतकरी कुटूंबांना आधार देण्यासाठी महिलांना स्वयंरोजगारासाठी शिलाई मशीन, विद्यार्थिनींना सायकली आणि गरजू कुटूंबांना दिवाळीचा शिधा देण्याचे उपक्रम राबविण्यात येत असल्याचे त्यांनी सांगितले. आगामी पावसाळ्यापर्यंत दुष्काळग्रस्त भागात पिण्याचे पाणी, जनावरांसाठी पाणी, चारा आणि अन्नधान्य उपलब्ध राहावे, यासाठी शासन नियोजन करीत आहे. केंद्र सरकारही महाराष्ट्रातील दुष्काळग्रस्त शेतकऱ्यांच्या पाठीशी उभे राहणार असल्याचे त्यांनी नमूद केले. शेतकरी हा शासनाच्या तिजोरीवरील पहिला हक्कदार असून, त्याला मदत करताना सरकार कोणतीही कमतरता ठेवणार नाही, असेही त्यांनी स्पष्ट केले. संकटाच्या काळात शेतकऱ्यांनी धीर सोडू नये आणि कोणताही टोकाचा निर्णय घेऊ नये, असे आवाहन त्यांनी केले. भाऊबीजेनिमित्त मंदाबाई तांगडे यांनी उपमुख्यमंत्री शिंदे यांचे औक्षण केले. त्यानंतर शिंदे यांनी तांगडे कुटूंबातील सर्व सदस्यांना कपडे भेट दिले. यावेळी मंदाबाई यांनी त्यांना दहा किलो ज्वारी आणि दहा किलो बाजरी तसेच छत्रपती शिवाजी महाराजांची प्रतिमा भेट दिली. शासनाचे प्रमुख पदावरील व्यक्ती आपल्या घरी येऊन सुख-दुःखाची विचारपूस करतात, ही समाधानाची बाब असल्याची भावना अंबादास तांगडे यांनी व्यक्त केली. यानंतर मौजपुरी गावातील महादेव मंदिर परिसरात उपमुख्यमंत्री शिंदे यांनी शेतकरी, शेतमजूर आणि महिलांशी संवाद साधला. त्यांच्या अडचणी जाणून घेत दिवाळीचा फराळ व शिधा देऊन महिलांचा सन्मान केला. या वेळी केंद्रीय आरोग्य आणि कुटुंब कल्याण राज्यमंत्री प्रतापराव जाधव, उद्योगमंत्री उदय सामंत, सामाजिक न्यायमंत्री संजय शिरसाट, खासदार संदीपान भुमरे, आमदार अर्जुन खोतकर, आमदार हिकमत उढाण यांच्यासह विविध क्षेत्रांतील मान्यवर, शेतकरी, महिला आणि ग्रामस्थ मोठ्या संख्येने उपस्थित होते.

Read More »

शिक्षण महर्षी मा.दादासाहेब म्हस्के साहेब यांचा आदर्श घेऊन कामगारांची दिवाळी साजरी गोड करणारा अंकुश मघाडे..

जाफराबाद/दत्ता देशमुख,दि.9 जाफराबाद तालुक्यातील मौजे टेंभुर्णी येथील सर्व साधारण कुटुंबातील अतिशय प्रतिकुल परीस्थितीचा सामना करुन स्वतःच्या कुटुंबाची एका वेळची भूक…

Read More »

उरण महाविद्यालयाची दिवाळी आदिवासी बांधवांसोबत.

उरण/विठ्ठल ममताबादे,दि.9 कोकण ज्ञानपीठ उरण वाणिज्य व कला महाविद्यालयातील राष्ट्रीय सेवा योजना विभाग व माजी विद्यार्थी संघ यांच्या संयुक्त विद्यमाने…

Read More »

रायगडमधील सरकारी शाळांची दुरवस्था; ‘शाळा वाचवा’ अभियानातून शिक्षणाच्या राष्ट्रीयीकरणाची मागणी!

उरण/विठ्ठल ममताबादे,दि.9 रायगड जिल्ह्यातील सरकारी शाळांमध्ये पिण्याचे पाणी, स्वच्छतागृहे, बाके, वीज आणि शैक्षणिक साहित्य यांसारख्या मूलभूत सुविधांचा अभाव असल्याचे ‘शाळा…

Read More »

२४ नोव्हेंबरला कपिलधार बीड येथे शासकीय महापुजा व शिवा संघटनेचा राज्यव्यापी मेळावा.

उरण/विठ्ठल ममताबादे,दि.9 शिवा अखिल भारतीय वीरशैव युवक संघटनेच्या वतीने प्रतिवर्षी कार्तिक शुध्द पौर्णिमेच्या निमित्त श्री क्षेत्र कपिलधार, ता. जि. बीड…

Read More »

सत्याग्रह ठिय्या आंदोलनाचा 9 वा दिवस

जालना/प्रतिनिधी, दि.9 महाराष्ट्रातील शिक्षण संस्थांचे नियुक्ती प्राधिकारी व शिक्षण विभागातील शिक्षण अधिकारी ते मंत्रालयापर्यंतचे अधिकारी सचिव , व महाराष्ट्रातील पुणे,…

Read More »

समाज विकासासाठी समाज संघ सावता महासंघ !

जालना/प्रतिनिधी, दि.7 सावता महासंघ महाराष्ट्र राज्य सामाजिक संघटनेच्या वतीने माळी समाजाच्या विकासासाठी संत सावता महाराज आर्थिक विकास महामंडळाच्या मागणीचे निवेदन…

Read More »

गेट बंद आंदोलनाला यश! मोठेखार (वरचा भाग) प्रकल्पग्रस्त शेतकरी संघटनेच्या मागण्या मान्य; सर्व सहकार्यकर्त्यांचे मानले आभार

उरण/विठ्ठल ममताबादे,दि.7 स्थानिक बेरोजगार प्रकल्पग्रस्त शेतकऱ्यांना रोजगार मिळावा, या प्रमुख मागणीसाठी मास्टर मरीन मेहर यार्ड, खोपटे येथे मोठेखार (वरचा भाग)…

Read More »

पेणमध्ये १४ वे राष्ट्रीय वार्षिक कराटे प्रशिक्षण शिबिर २०२६ चे आयोजन

उरण/विठ्ठल ममताबादे,दि.7 मार्शल आर्ट क्षेत्रातील मानाचे समजले जाणारे १४ वे वार्षिक राष्ट्रीय कराटे प्रशिक्षण शिबिर २०२६ चे आयोजन यंदा रायगड…

Read More »

कर्जत साय झाडांच्या कत्तली विरोधात विद्रोही कवी गरजले.

उरण/विठ्ठल ममताबादे,दि.7 कर्जत साय डोंगरात झाडांची मोठ्या प्रमाणात कत्तल टोरांटो कंपनी अर्थात  सरकारनेच केली आहे हे सर्वत्र बोलले जात असल्याने…

Read More »