“विकसित भारत संकल्प यात्रेच्या” माध्यमातून शासकीय योजना घरोघरी
जालना/प्रतिनिधी,दि.5
केंद्र शासनाच्या विविध लोककल्याणकारी योजनांचा लाभ वंचित घटकापर्यंत पोहोचविण्याच्या उद्देशाने “विकसित भारत संकल्प यात्रा” सध्या जालना जिल्ह्यात सुरु आहे. या यात्रेच्या माध्यमातून शासनाच्या लोकल्याणकारी योजनांची मोठ्या प्रमाणात जनजागृती करण्यात येत आहे. शासकीय योजना गावागावांत नेणाऱ्या या “विकसित भारत संकल्प यात्रे” ला नागरिकांचा उत्स्फूर्त प्रतिसाद लाभत आहे.
शनिवार, दि. 6 जानेवारी रोजी पुढील गावात जाणार “विकसित भारत संकल्प यात्रा” – विकसित भारत संकल्प यात्रा शनिवार, दि. 6 जानेवारी 2024 रोजी मंठा तालुक्यातील कथला ख व पाकणी, भोकरदन तालुक्यातील चौराळा व बाभुळगाव, अंबड तालुक्यातील डोमेगाव व वाडीलसुरा, घनसावंगी तालुक्यातील देवडी हदगाव व मेहेर जवळा, जालना तालुक्यातील वझर व उटवड, बदनापूर तालुक्यातील वंजारवाडी व कंडारी ख, येथे जाईल. या यात्रेसमवेत पंचायत समिती अंतर्गत अधिकारी-कर्मचारी असतील.
विकसित भारत संकल्प यात्रेस ग्रामीण भागात उत्स्फूर्त प्रतिसाद लाभत आहे. या यात्रेच्या माध्यमातून नागरिकांना विविध योजनांचा लाभ मिळणार आहे. यात शिक्षणापासून ते आरोग्यापर्यत, स्वयंरोजगारापासून कृषीपर्यंत विविध योजनांचा समावेश आहे. या विकसित भारत संकल्प यात्रेदरम्यान विविध योजनांचा नागरिकांनी अवश्य लाभ घ्यावा, असे आवाहन जिल्हा प्रशासनाने केले आहे.