भोकरदन तालुक्यातील रस्त्यांची कामे अर्धवट सोडुन भ्रष्टाचाराची चौकशी करा! संबंधितांवर योग्य कारवाई करा! – बोरसे गुरुजी
जाफराबाद/दत्ता देशमुख,दि.3
आम आदमी पार्टी
जालना जिल्हा सचिव
रस्त्यांची अर्धवट सोडलेली कामे पूर्ण करा. जनतेला सुविधा द्या अन्यथा आमरण उपोषण करून संघर्ष केला जाईल! मा. विभागीय आयुक्त छ.संभाजीनगर विभाग. यांना स्वतंत्र पत्र देण्यात आलेले आहे. संबंधित पत्राच्या प्रती माननीय जिल्हाधिकारी जिल्हाधिकारी जालना, मा.उपविभागीय अधिकारी,भोकरदन मार्फत मा.तहसिलदार तहसिल कार्यालय भोकरदन जि. जालना.
यांना देण्यात आलेल्या आहेत. असे बोरसे गुरुजींनी प्रसिद्धीसाठी दिलेल्या पत्रकामध्ये कळविले आहे.
याविषयी माहिती अशी की सुरंगलीफाटा ते जळगांव सपकाळ तसेच पिंपळगांव रेणुकाई ते कोकडी,वरुड बु. ते माळेगांव ता. भोकरदन रस्त्यांच्या कामात झालेल्या भ्रष्टाचार झालेला आहे.कामे अर्धवट सोडुन बीले मात्र पूर्ण उचलुन घेतली विषयी कळविण्यात आले की,सुरंगलीफाटा ते जळगांव सपकाळ तसेच पिंपळगांव रेणुकाई ते कोकडी वरुड बु. ते माळेगांव या रस्त्याची अतिशय दयनिय अवस्था झाली असुन वाहनचालकांना अतिशय त्रास होत आहे. संबंधित रस्त्यांची कामे अर्धवट सोडून देण्यात आले असून काम पूर्ण न करताच बिल उचलून घेण्यात आलेले आहे. यामध्ये संबंधित अधिकारी आणि गुत्तेदार याला पूर्णपणे जबाबदार असून काम न करता पैसे हडपण्याचा हा प्रकार आहे. याची पुरेपूर चौकशी करण्यात यावी.संबधितांवर योग्य कार्यवाही करण्यात यावी. रस्त्याचे काम त्वरित करून जनतेला सुविधा प्राप्त करून द्यावी. अन्यथा आम आदमी पार्टी मार्फत तीव्र आंदोलन,आमरण उपोषण इत्यादी मार्गाने संघर्ष करण्यात येईल. होणार्या परिणामांची जबाबदारी प्रशासनाची राहिल.असा इशारा देण्यात आला आहे. यावेळी महेजाद खान, इब्राहिम कुरेशी, फारुख शेख, नारायण सोनी इत्यादी सह पार्टीचे कार्यकर्ते हजर होते.
