जालना येथे बुधवारी प्लेसमेंट ड्राईव्ह-जागेवर निवड संधीचे आयोजन
जालना/प्रतिनिधी,दि.10
नोकरीच्या शोधात असलेल्या जालना जिल्ह्यातील युवक-युवतींना विविध खासगी कंपन्या, कारखाने, उद्योग-व्यवसाय आणि आस्थापना यांचेकडील रोजगाराच्या संधी उपलब्ध करण्याच्या उद्देशाने महिन्याच्या दुसऱ्या बुधवारी रोजगार सहाय्यासाठी विशेष मोहिम सुरू करण्यात आली आहे. याप्रमाणे जिल्हा कौशल्य विकास, रोजगार व उद्योजकता मार्गदर्शन केंद्र,जालना यांचे मार्फत जिल्हा कौशल्य विकास, रोजगार व उद्योजकता मार्गदर्शन केंद्र, मॉडेल करिअर सेंटर, प्रशासकीय इमारत, दुसरा मजला, जालना 431203 येथे बुधवार दि. 12 जून, 2024 रोजी सकाळी 11 ते दुपारी 2 वाजेपर्यंत प्लेसमेंट ड्राईव्ह-जागेवर निवड संधीचे आयोजन करण्यात आले आहे. नोकरीच्या शोधात असलेल्या जालना जिल्ह्यातील युवक-युवतींनी या प्लेसमेंट ड्राईव्हमध्ये सहभागी व्हावे आणि रोजगाराच्या या पर्वणीचा लाभ घ्यावा, असे आवाहन जालना कौशल्य विकास रोजगार व उद्योजकताचे सहायक आयुक्त भुजंग रिठे यांनी प्रसिध्दीपत्रकाद्वारे केले आहे.
गौरी अग्रोटेक प्रा.लिमिटेड जालना.यांची बी.कॉम उत्तीर्ण उमेदवारांसाठी अकाऊंटंट/लेखापाल साठी 2 पदे, कोणतीही पदवी उत्तीर्ण उमेदवारांसाठी क्लार्कचे 2 पदे, आयटीआय फिटर उत्तीर्ण उमेदवारांसाठी 2 पदे आहेत.तसेच स्पंदना स्फूर्ती फाइनेंशियल प्रा.लिमिटेड यांची बारावी उत्तीर्ण उमेदवारांसाठी लोन ऑफिसर पदाकरिता 53 पदे,असे एकूण 59 पदाकरीता मागणीपत्र प्राप्त झाले असून नोकरी इच्छुक पात्रताधारक उपस्थित होणाऱ्या उमेदवारांच्या प्रत्यक्ष मुलाखती घेण्यात येवून जागेवरच निवडीची संधी उपलब्ध आहे.
जालना जिल्ह्यातील नोकरी इच्छुकांनी या संधीचा लाभ व अधिक माहिती घेण्यासाठी विभागाच्या www.rojgar.mahaswayam.gov.in त्याचप्रमाणे www.ncs.gov.in या वेबसाईटला भेट द्यावी.यापूर्वी नोंदणी केली नसल्यास प्रथम आपली नोंदणी करावी आणि होम पेज वरील नोकरी साधक (Job Seekar) लॉगिन मधून आपल्या युजर आयडी व पासवर्ड च्या आधारे लॉगिन करावे. त्यानंतर डॅसबोर्ड मधील पडित दीनदयाळ उपाध्याय जॉब फेअर या बटनावर क्लिक करून जालना जिल्हा निवडून त्यातील प्लेसमेंट ड्राईव्ह 19 (2024-25) जालना याची निवड करावी. उद्योजक, नियोक्तानिहाय त्यांच्याकडील रिक्त पदांची माहिती घ्यावी किंवा ऑनलाईन सहभाग नोंदवला नसला तरी कार्यालयात प्रत्यक्ष मुलाखतीसाठी उपस्थित राहावे. याप्रमाणे आवश्यक किमान पात्रता धारण करीत असल्याची खात्री करून उपलब्ध असलेल्या रिक्त पदासाठी ऑनलाईन पद्धतीने आपला पसंती क्रमांक नोंदवावा आणि किमान दोन प्रतीत बायोडाटासह फोटो, शैक्षणिक व व्यावसायिक पात्रता, आदि कागदपत्रे कंपनींना देण्यासाठी छायाप्रती संच सोबत ठेवून दि. 12 जून,रोजी सकाळी 11 ते दुपारी 2वाजेपर्यंत प्रत्यक्ष मुलाखतीसाठी जिल्हा कौशल्य विकास,रोजगार व उद्योजकता मार्गदर्शन केंद्र, मॉडेल करिअर सेंटर, प्रशासकीय इमारत, दुसरा मजला, जालना 431203 येथे उपस्थित रहावे. असेही प्रसिध्दीपत्रकाद्वारे कळविले आहे.