शिवछत्रपती राज्य क्रीडा पुरस्कारासाठी सुचना व हरकती सादर करण्याचे आवाहन
जालना/प्रतिनिधी,दि.6
महाराष्ट्र शासनाच्या क्रीडा विभागामार्फत राज्यातील क्रीडा विभागाचा प्रतिष्ठेचा असलेला शिवछत्रपती राज्य क्रीडा पुरस्कार प्रदान करण्यात येतो. दि. 29 डिसेंबर, 2023 रोजीच्या शासन निर्णयानूसार नियम क्र. 1.19, नियम क्र. 1.20 नियम क्र. 1.21 अन्वये संचालनालयाच्या https://sports.maharashtra.gov.in या संकेतस्थळावरील पुरस्कार या टॅबमध्ये शिवछत्रपती राज्य क्रीडा पुरस्काराकरीता प्राप्त झालेल्या प्रस्तावांचे प्राथमिक छाननी केलेला गुणांकन तक्ता एकुण गुणांकनासह नमूद कालावधीमध्ये दि. 6 ते 8 फेब्रुवारी, 2024 रोजी रात्री 12 वाजेपर्यंत ऑनलाईन सूचना व हरकती सादर कराव्यात, असे आवाहन जिल्हा क्रीडा अधिकारी अरविंद विद्यागर यांनी प्रसिध्दीपत्रकाद्वारे केले आहे.
क्रीडा क्षेत्रातील विशेष उल्लेखनीय कामगिरी करणाऱ्या खेळाडूंचा गौरव करण्यासाठी राज्य शासन शिवछत्रपती राज्य क्रीडा जीवन गौरव पुरस्कार, उत्कृष्ट क्रीडा मार्गदर्शक पुरस्कार, शिवछत्रपती राज्य क्रीडा पुरस्कार (खेळाडू), शिवछत्रपती राज्य साहसी क्रीडा पुरस्कार, शिवछत्रपती राज्य क्रीडा पुरस्कार (दिव्यांग खेळाडू) असे पुरस्कार प्रदान करण्यात येत असतात. त्यानूसार विहीत नमुन्यात सूचना व हरकती सादर कराव्यात, विहीत नमूना https://sports.maharashtra.gov.in या संकेतस्थळावरुन डाऊनलोड करावा. असे जिल्हा क्रीडा अधिकारी, जालना यांनी प्रसिध्दीपत्रकाद्वारे कळविले आहे.
