जिजामाता ग्रामीण विकास व शिक्षण संस्था संचालित सुप्रिया कॉलेज ऑफ फार्मसी येथे ओरिएंटेशन कार्यक्रमाचे आयोजन.
जाफराबाद/विशाल देशमुख,दि 29
टेंभुर्णी येथील सुप्रिया कॉलेज ऑफ फार्मसीमध्ये नव्याने प्रवेश घेतलेल्या विद्यार्थ्यांसाठी आज ओरिएंटेशन कार्यक्रम उत्साहात आयोजित करण्यात आला. या कार्यक्रमाचा उद्देश विद्यार्थ्यांना महाविद्यालयाची ओळख करून देणे, शैक्षणिक रचना समजावून सांगणे आणि पुढील शैक्षणिक प्रवासाबद्दल मार्गदर्शन करणे हा होता. कार्यक्रमाची सुरुवात सर्व नवागत विद्यार्थ्यांचे मनःपूर्वक स्वागत करून झाली. त्यानंतर महाविद्यालयाचे ध्येय, मिशन आणि शैक्षणिक धोरणांची माहिती विद्यार्थ्यांना देण्यात आली. कार्यक्रमातील प्रमुख आकर्षण होते प्राचार्य प्रा. मुजाहिद नासिर पठाण यांचे प्रेरणादायी मार्गदर्शन. त्यांनी विद्यार्थ्यांना शिस्त, निष्ठा, प्रामाणिकपणा आणि शैक्षणिक बांधिलकी यांचे महत्त्व पटवून दिले. तसेच विद्यार्थी जीवनात उपलब्ध संसाधनांचा योग्य वापर करून उत्कृष्टता साध्य करण्याचे आवाहन केले.
यानंतर विभाग प्रमुख प्रा. अर्पित राजाराम सुरळकर यांनी विद्यार्थ्यांना अभ्यासक्रमाची रचना, विभागातील उपक्रम, मार्गदर्शन प्रणाली आणि शैक्षणिक तसेच सहशैक्षणिक संधी यांची सविस्तर माहिती दिली. त्यांनी विद्यार्थ्यांना सक्रिय सहभाग आणि प्रत्यक्ष शिक्षणाचे महत्त्व सांगून प्रेरित केले. कार्यक्रमासाठी, प्रा. सोनसाळे, प्रा. परिहार, प्रा. जोशी, प्रा. तायडे, प्रा. बनकर, साखरे सर, बोडखे मॅडम, महामुने सर व लहू जोशी उपस्थित होते. त्यांनी स्वतःची ओळख करून देत विद्यार्थ्यांना संपूर्ण सहकार्याचे आश्वासन दिले. संपूर्ण कार्यक्रमाची व्यवस्था, समन्वय आणि नियोजन प्रा. अर्पित राजाराम सुरळकर यांनी अत्यंत उत्कृष्ट पद्धतीने केले, सूत्रसंचालन कु. स्नेहा चव्हाण व आभार प्रदर्शन प्रा, जोशी यांनी केले ज्यामुळे कार्यक्रम यशस्वीपणे पार पडला.नव्या विद्यार्थ्यांनी कार्यक्रमात उत्स्फूर्त सहभाग नोंदवून त्यांच्या आगामी शैक्षणिक प्रवासाबद्दल आनंद व उत्साह व्यक्त केला. संस्था अध्यक्षा डॉ. सौ. सुरेखाताई संजयजी लहाने, सचिव श्री. संजय लहाने सर, सह सचिव.श्री सुयश भैया संजय लहाने यांनी संपूर्ण उपक्रमाचे कौतुक केले.
