जिल्ह्यातील संभाव्य पाणी टंचाईग्रस्त 350 गावात पाणी उपसा करण्यास प्रतिबंध

0 1 7 4 1 6

🔊 बातमी ऐका

जालना/प्रतिनिधी,दि.7

महाराष्ट्र भुजल पिण्याच्या पाण्याच्या प्रयोजनासाठी विनिमय अधिनियम-2009 चे कलम 20 नूसार जिल्ह्यातील सार्वजनिक पिण्याच्या पाण्याचे स्त्रोत घोषित करुन नियमान्वये कलम 21 नूसार 500 मीटरच्या आत पिण्याच्या पाण्याशिवाय स्त्रोत निर्माण करणे, उपसा करणे या बाबीला जिल्ह्यातील संभाव्य पाणी टंचाईग्रस्त एकुण 350 गावात प्रतिबंध करण्यात आला आहे, असे आदेश जिल्हाधिकारी डॉ.श्रीकृष्ण पांचाळ यांनी जारी केले आहेत.

महाराष्ट्र भूजल पिण्याच्या पाण्याच्या प्रयोजनासाठी विनिमय अधिनियम -2009 अन्वये दरवर्षी उन्हाळ्यात पिण्याच्या पाण्याची टंचाई भासणाऱ्या गावांची माहे सप्टेंबर अखेरचे पर्जन्यमान आणि सप्टेंबर महिन्यातील सरासरी पर्जन्यमान यांच्या तुलनेत झालेली घट आणि वाढ यांचा अभ्यास करुन तसेच ऑक्टोबर महिन्यातील निरीक्षण विहिरीच्या पाण्याच्या पातळीचा अभ्यास करुन वरिष्‍ठ भूवैज्ञानिक यांनी ऑक्टोबर ते डिसेंबर 2023 या कालावधीत 138 गावे, जानेवारी ते मार्च 2024 या कालावधीत 59 गावे आणि एप्रिल ते जून 2024 या कालावधीत 153 गावे असा जालना जिल्ह्यातील संभाव्य पाणी टंचाई भासणाऱ्या गावांचा अहवाल सादर केला असून सर्व कालावधीत संभाव्य पाणी टंचाईग्रस्त अशी एकुण 350 गावे दर्शविण्यात आली आहेत. तरी या आदेशाचा भंग केल्यास महाराष्ट्र भूजल अधिनियम-2009 मधील तरतुदीनूसार योग्य ती दंडात्मक कार्यवाही करण्याचे अधिकार संबंधित उपविभागीय अधिकारी व तहसीलदार यांना आदेशान्वये देण्यात आले आहेत. असेही आदेशात नमूद करण्यात आले आहे.

माहे जानेवारी ते मार्च 2024 पर्यंत हाताळावयाची टंचाई भासणारी गावे खालीलप्रमाणे