आम्ही कुंडेगावकर नामफलकाचे अनावरण.
उरण/विठ्ठल ममताबादे,दि.21
पागोटे ग्रामपंचायतचे विद्यमान सरपंच कुणाल पाटील हे विविध सामाजिक कार्यात नेहमी अग्रेसर असतात. कुणाल पाटील युवा सामाजिक संस्था ही संस्था सुद्धा विविध सामाजिक कार्यात नेहमी अग्रेसर असते. उरण तालुक्यातील नवघर ग्रामपंचायत हद्दीतील कुंडेगाव कोळीवाडा येथील ग्रामस्थांनी कुंडेगावात कुंडेगावचा अभिमान म्हणून एक नाम फलक असावा म्हणून नामफलका बाबत आपली इच्छा पागोटे ग्रामपंचायतचे सरपंच कुणाल पाटील व कुणाल पाटील युवा सामाजिक संस्थेच्या पदाधिकारी सदस्यांकडे बोलून दाखविली. ग्रामस्थांची मागणी लक्षात घेउन सदर चांगल्या कामाला सरपंच कुणाल पाटील व कुणाल पाटील युवा सामाजिक संस्थेच्या पदाधिकारी सदस्यांनी लगेच होकार दिला. व कुंडेगाव कोळीवाडा येथील श्री हनुमान मंदिर येथे आम्ही कुंडेगावकर नावाचा विद्युत रोषणाई असलेला नामफलक बसविण्यात आले. सरपंच कुणाल पाटील व कुणाल पाटील युवा सामाजिक संस्थेच्या माध्यमातून बसविण्यात आलेल्या या नामफलकाचे उदघाटन नवघर ग्रामपंचायतचे सरपंच सविता मढवी यांच्या शुभ हस्ते फीत कापून झाले. यावेळी सरपंच कुणाल पाटील, कुणाल पाटील युवा सामाजिक संस्थेचे पदाधिकारी सदस्य, नवघर ग्रामपंचायतचे सदस्य नम्रता पाटील, प्राची पाटील, जयमाला पाटील, रत्नाकर चोगले,संध्या पाटील,माजी सरपंच आरती चोगले, माजी उपसरपंच रवि वाजेकर ,कुंडेगाव ग्रामसुधारणा मंडळाचे अध्यक्ष प्रमोद पाटील, उपाध्यक्ष काशिनाथ पाटील, सेक्रेटरी रत्नाकर पाटील, पंच कमिटी सदस्य फुलाजी पाटील, हसुराम चोगले, लहू पाटील, देवव्रत मढवी, धनाजी भोईर, गजानन पाटील, भरत चोगले, लक्ष्मण पाटील, गणेश चोगले आदी मान्यवर व ग्रामस्थ मोठया संख्येने उपस्थित होते.यावेळी सरपंच सविता मढवी व ग्रामपंचायत सदस्यांनी व उपस्थित ग्रामस्थांनी सरपंच कुणाल पाटील व कुणाल पाटील युवा सामाजिक संस्थेच्या कार्याचे कौतुक करत सरपंच कुणाल पाटील व त्यांच्या संस्थेच्या पदाधिकारी सदस्यांचे आभार मानले.सदर कार्यक्रमाचे सूत्रसंचालन व आभार प्रदर्शन शिक्षक राजेंद्र पाटील यांनी केले.अत्यंत खेळीमेळीच्या वातावरणात सदर कार्यक्रम मोठया उत्साहात संपन्न झाला.
