जवाहर नवोदय विद्यालयात ऑनलाईन अर्ज भरण्यास मुदतवाढ
जालना/प्रतिनिधी,दि.23
जवाहर नवोदय विद्यालय अंबा-परतूर लॅटरल एन्ट्री निवड चाचणी वर्ग 9 वी आणि वर्ग 11 वी करिता जालना जिल्ह्यातील इयत्ता 8 वी आणि 10 वी वर्गात शैक्षणिक वर्ष सन 2025-26 मध्ये शिकत असणाऱ्या विद्यार्थ्यांनी त्यांच्या पालकांसह सेवाकेंद्रावरून व इतर यंत्रणेचा वापर करून ऑनलाईन अर्ज भरण्याची शेवटची तारीख 23 सप्टेंबर 2025अशी होती. प्रशासकीय कारणास्तव ही मुदत वाढवून दिनांक 7 ऑक्टोबर 2025 पर्यंत करण्यात आलेली आहे.
तरी इच्छुक विद्यार्थी,पालक,शिक्षक व मुख्याध्यापकांनी ह्याची नोंद घ्यावी.ऑनलाईन फॉर्म भरण्यासाठी फोटो, स्वाक्षऱ्या हे 10 ते 100 KB मध्ये स्कॅन करून वर्ग नववी साठी “https://cbseitms.nic/2025/nvsix 9” या संकेतस्थळावरून व अकरावी साठी https://cbseitms.nic/2025/nvsxi ११ या संकेतस्थळावरून भरावेत.जिल्हाभरातील सर्व मुख्याध्यापकांनी जास्तीत जास्त विद्यार्थ्याचे अर्ज भरण्याचे आवाहन जवाहर नवोदय विद्यालयाचे प्राचार्य एस.जी.पवार यांनी प्रसिध्दीपत्रकाव्दारे केले आहे.
