जिल्हाधिकारी कार्यालयात मराठी भाषा गौरव दिन साजरा
जालना/प्रतिनिधी,दि.28
ज्येष्ठ कवी कुसुमाग्रज यांच्या जयंतीनिमित्त दि. 27 फेब्रुवारी हा दिवस मराठी भाषा गौरव दिन म्हणून साजरा करण्यात येतो. त्यानिमित्त जिल्हाधिकारी कार्यालयामध्ये अपर जिल्हाधिकारी रिता मैत्रेवार यांच्या अध्यक्षतेखाली दि.27 फेब्रुवारी 2024 रोजी मराठी भाषा गौरव दिन साजरा करण्यात आला. यावेळी जिल्हा मराठी भाषा समिती सदस्य प्रा. राजेंद्र सोनवणे, प्रा. विश्वंभर वडजे, उपजिल्हाधिकारी नम्रता चाटे, तहसिलदार प्रणाली तायडे, तहसिलदार अनिल नव्हाते व सर्व अधिकारी कर्मचारी उपस्थित होते.
या कार्यक्रमामध्ये तहसिलदार प्रणाली तायडे, सर्व अ.का. राजीव शिंदे, वैशाली तोटे, वैशाली डिघुळे, यांनी कुसुमाग्रजांच्या कवितांचे वाचन केले. संपदा कुलकर्णी यांनी कार्यक्रमाचे सुत्र संचालन केले.