एस.टी बस आणि जिल्हा परिषद शाळा या दोनच गोष्टी सर्वसामान्यांच्या राहिल्या—विनोद कळंबे

जाफराबाद/विशाल देशमुख,दि.5

एस.टी बस आणि जिल्हा परिषद शाळा या दोनच गोष्टी सर्वसामान्यांच्या राहिल्या असल्याचे प्रतिपादन महाराष्ट्र राज्य प्राथमिक शिक्षक संघाचे जाफराबाद तालुकाध्यक्ष तथा शिक्षक पतसंस्थेचे मा. चेअरमन विनोद कळंबे यांनी बुधवारी ता.4 केले.निमखेडा खुर्द तालुका जाफराबाद येथील जिल्हा परिषद शाळेच्या वार्षिक स्नेह संमेलनाच्या उद्घाटन प्रसंगी ते बोलत होते.यावेळी जाफराबाद पंचायत समितीचे विस्तार अधिकारी राम खराडे, अशोक हरकळ, आश्रुबा बुरकुल ,सुनील पवार, सुधीर भोपळे, प्रविण शिंदे, प्रवीण कोरडे,राजू कोरडे,प्रभाकर कोरडे,सुनील गोफणे,पोलिस पाटील लक्ष्मी कोरडे धनंजय आढाव, उत्तमराव राजभोज, शिवाजी कोरडे,भगवान मांटे,नानासाहेब कोरडे यांची प्रमुख उपस्थिती होती. यावेळी पुढे बोलताना श्री कळंबे यांनी जिल्हा परिषद शाळेचे भौतिक विकासासाठी ग्रामस्थांसह ग्रामपंचायत ने भरून सहकार्य करण्याचे आवाहन केले. यावेळी शाळेच्या चिमुकल्या विद्यार्थ्यांनी गोरी गोरी पान, लुंगी डान्स यासह विविध मराठी हिंदी चित्रपट गीतांवर बहारदार नृत्य सादर करून उपस्थित प्रेक्षकांची दाद मिळवली. कार्यक्रमाचे सूत्रसंचलन दिपक इंगळे आणि अंजली कोरडे यांनी तर आभार मुख्याध्यापक रमेश साळवे यांनी मानले.कार्यक्रमाच्या यशस्वीतेसाठी संगीता राजभोज यांच्यासह शाळा व्यवस्थापन समिती सदस्यांनी परिश्रम घेतले.या कार्यक्रमाला प्रतिसाद देत उपस्थित ग्रामस्थांनी २४ हजार रुपयांच्या बक्षिसाची उधळण केली.