प्रेस संपादक व पत्रकार सेवा संघटनेच्या वतीने सेवानिवृत्त शिक्षकांचा सत्कार
सेवानिवृत्ती शिक्षकांनी समाजातील गुणवंत विद्यार्थी घडविण्याकरिता सहकार्य करावे : राज्य सरचिटणीस पत्रकार संजीव भांबोरे
जालना/प्रतिनिधी,दि.1
भंडारा : प्रेस संपादक व पत्रकार सेवा संघ भंडारा जिल्हा शाखेच्या वतीने सेवानिवृत्त शिक्षक श्री प्रमोद बोरकर यांचा सत्कार करण्यात आला. यावेळी संघटनेचे राज्य सरचिटणीस संजीव भांबोरे बोलत होते, ते म्हणाले, सेवानिवृत्त शिक्षकांनी समाजातील गुणवंत विद्यार्थी घडविण्याकरीता सहकार्य करावे असे आवाहन केले. 30 नोव्हेंबर 2024 रोजी खाजगी शिक्षण संस्थेत मागील 30 वर्षापासून कार्यरत असलेले प्रमोद वनवास बोरकर यांचा सेवानिवृत्ती सत्कार भंडारा तालुक्यातील अंबाडी येथील निवासस्थानी प्रेस संपादक व पत्रकार सेवा संघटनेचे राज्य सरचिटणीस संजीव भांबोरे व राज्य उपाध्यक्ष पंकज वानखेडे यांच्या प्रमुख उपस्थितीत पार पडला. यावेळी राज्य सरचिटणीस संजीव भांबोरे म्हणाले की, प्रमोद वनवास बोरकर शांत, मनमिळावू व चेहऱ्यावर सतत हास्य असणारे व्यक्तिमत्व असून अतिशय प्रामाणिकपणे त्यांनी सहाय्यक शिक्षक पदापासून तर मुख्याध्यापक पदापर्यंत 30 वर्षे शिक्षकी पेशाची जबाबदारी पार पाडली. परंतु शिक्षकी सेवेत असताना त्यांना त्यांच्या कामाचा मोबदला मिळत असतो. परंतु सेवानिवृत्ती झाल्यानंतर शरीरात रक्ताचा थेंब असेपर्यंत आपले कार्य सुरळीत सुरू ठेवावे व जे समाजातील होतकरू गरीब, गुणवंत, हुशार विद्यार्थी आहेत अशा विद्यार्थ्यांना स्पर्धा परीक्षेसाठी सहकार्य करावे. जेणेकरून हे विद्यार्थी आपले भविष्य घडवू शकतील असे आवाहन केले. यावेळी प्रेस संपादक व पत्रकार सेवा संघटनेचे विदर्भ महासचिव शेखर बोरकर, नागपूर जिल्हा परिषदेचे सेवानिवृत्त उपशिक्षणाधिकारी मदन बोरकर, महिलाराज सत्ता आंदोलनाच्या प्रमुख रत्नमाला वैद्य, प्राचार्य राजन बोरकर, फॉरेस्ट डिपार्टमेंटचे विजय बोरकर, कुंदन तागडे, पिंटू बोरकर, नितीन बागडे, विवेक चव्हाण, शैलेश बोरकर, सुहास गजभिये, कृष्णाजी शेंडे, प्रज्वल बोरकर, राजेश सुखदेवे, राजेश बोरकर, रोशन मेश्राम, पंजाब भोंदे, सुरेखा उके, राहुल चव्हाण, अमीर बोरकर, भजन भोंदे, रणजीत भोंगाडे, महमूद बोरकर, राहुल बोरकर आदी मित्रपरिवार व पत्रकार मोठ्या संख्येने उपस्थित होते. यावेळी सर्वांनी सहभोजनाच्या आस्वाद घेतला.
