शासकीय तंत्रनिकेतनला मिळाले एनबीए मानांकन
जालना/प्रतिनिधी,दि. 3
शासकीय तंत्रनिकेतन जालना या संस्थेतील रसायन अभियांत्रिकी विभागास एनबीए मानांकन प्राप्त झाले असून शैक्षणिक वर्ष 2024-25 पासून ते 30 जुन 2027 पर्यंतचे एनबीए मानांकन प्राप्त झाले आहे. सदर मानांकनाकरीता कमिटी फेब्रुवारी महिन्यात दि. 16, 17, 18 फेब्रुवारी 2024 रोजी संस्थेत भेट देऊन गेली व या मानांकनाचा निर्णय 26 मार्च 2024 रोजी संस्थेस कळविला आहे.
एनबीए मानांकन प्रक्रियेकरिता संस्थेतील रसायन अभियांत्रिकी विभागाची तयारी मागील 3 वर्षांपासून अविरत चालू होती. तसेच सदर प्रक्रियेकरिता रसायन अभियांत्रिकी विभागाचे विभाग प्रमुख तथा प्रभारी प्राचार्य डॉ. निनाद रा. जावडे यांचे विशेष पुढाकार, सहकार्य, व कुशल नेतृत्व लाभले तसेच संस्था स्तरावरील एनबीए प्रभारी अधिकारी अभय जोशी, आकांक्षा जाधव, विभाग स्तरावरील एनबीए प्रभारी अधिकारी जी. के. देशपांडे, व रसायन विभागातील अधिकारी, प्राध्यापक वृंद जे.के पोहनेरकर, सी.बी.मोहोड, एस.एस.हराळ, श्रीमती एस. के. वाघमारे, श्रीमती ए.ए. शेख व कर्मचारी ए.बी.पांगारकर, वी.एच.अग्रोल यांचे विशेष सहकार्य लाभले. तसेच संस्थेतील सर्व विभागप्रमुख, अधिकारी, कर्मचारी, तसेच प्रबंधक शंकर पंडित, व संस्थेचे माजी विद्यार्थी, पालक, व उ‌द्योजकांचे एनबीए मानांकन प्रक्रियेकरिता योगदान होते व त्या सर्वांचे प्राचार्यांनी आभार मानले. संस्थेला एनबीए मानांकन मिळाल्यामुळे समाजातील विविध स्तरातून व विद्यार्थी पालक वर्ग यामधून अभिनंदन होत आहे. तसेच सदर मानांकानामुळे संस्थेतील विद्यार्थी व परिसरातील विद्यार्थी यांना नक्कीच फायदा होणार आहे. सदर एनबीए मानांकनामुळे रसायन अभियांत्रिकीचा अभ्यासक्रम 2024-27 या काळात जे विद्यार्थी पूर्ण करतील त्यांना जगामध्ये कुठल्याही देशात तसेच मोठ्या उ‌द्योगांमध्ये चांगल्या नोकऱ्यांची संधी प्राप्त होणार आहेत. असे प्राचार्य, शासकीय तंत्रनिकेतन, जालना यांनी प्रसिध्दीपत्रकाद्वारे कळविले आहे
