तालुका स्तरीय खो खो स्पर्धेत वायु विद्युत शाळा अव्वल
उरण/विठ्ठल ममताबादे,दि.22
शिक्षण विभाग तालुकास्तरीय खो-खो स्पर्धा सेंट मेरी उरण येथे पार पडल्या. सदर खेळाचे व्यवस्थापन हरिश्चंद्र बोंडकर सर तालुका समन्वयक यांच्या मार्गदर्शनाखाली पार पडल्या. तालुक्यातील ११ शाळा यात सहभागी झाल्या होत्या. त्यामध्ये अंडर १४ मध्ये मुले खोखो ज. ए. इ ची प्राथमिक शाळा वायु विद्युत केंद्र वसाहत बोकडवीरा या शाळेतील विद्यार्थ्यांनी घवघवीत यश मिळवून प्रथम क्रमांक पटकावला असून सदर टीमचा कॅप्टन कु. मंजुनाथ नारायणकर व मार्गदर्शक शिक्षिका भाग्यश्री साठे यांनी विशेष मेहनत घेतली.सदर टीम साठी एन आय हायस्कूल पी.टी शिक्षक झोपे सर यांचे मोलाचे मार्गदर्शन लाभले. तसेच शाळेच्या मुख्याध्यापिका कवळसे मॅडम व शालेय समिती अध्यक्ष सदानंद गायकवाड यांनी यशस्वी टीमचे व मार्गदर्शक शिक्षकांचे कौतुक केले व पुढील जिल्हास्तरीय खेळासाठी शुभेच्छा दिल्या.
