उरण/विठ्ठल ममताबादे,दि.27
सगळीकडे डेव्हलपमेंट सुरु आहेत.. मग आपलं उरण त्यापासून मागे कसं राहणार ? आपण सगळ्यांनी मुंबई ‘3.0’ बद्दल ऐकलं आहे. तसाच मुंबईच्या हाकेच्या अंतरावर उरणमध्ये एक लँडमार्क प्रोजेक्ट उभा राहतोय. उरणचा चेहरामोहरा बदलवून टाकणारा असाच हा उरण ‘2.0’ प्रोजेक्ट आहे. या रेरा अप्रोव्हड प्रोजेक्टमध्ये अपग्रेडेड लाईफ स्टाईल, अपग्रेडेड फ्युचरसाठी गुंतवणूक करणे अत्यंत फायदेशीर ठरणार आहे. अटल सेतूपासून अवघ्या १५ मिनिटांच्या अंतरावर असलेला हा प्रोजेक्ट ‘ग्रँड उरण सेंट्रल’ नावाने सुरु होतोय.
‘अल्टो फिन’ ही नवी मुंबईतील विकासकांमध्ये नावाजलेली संस्था हा उरणचा कायापालट करणारा प्रीमियम कमर्शिअल प्रोजेक्ट उभारतेय. उरणच्या मातीची चांगली जाण असलेले स्थानिक विकासक रितेश म्हात्रे आणि राजेश म्हात्रे या भावांनी उरणच्या परिवर्तनासाठी पाहिलेले हे सर्वांग सुंदर असे स्वप्नातील ‘ग्रँड उरण सेंट्रल’ आता प्रत्यक्षात उभे राहणार आहे. सहज परवडेल असा पण अत्यंत सुंदर असं मॉर्डन इन्फ्रास्ट्रक्चर असलेला हा महत्वाकांक्षी प्रोजेक्ट आहे. या प्रोजेक्टमध्ये मिळणार आहेत प्रीमियम शॉप्स, ऑफिसेस, घरं आणि बरचं काही… हा प्रोजेक्ट फक्त कमर्शिअल नसून रेसिडेंसिअल सुद्धा असणार आहे.
या प्रोजेक्टचा लाँच सोहळा उरणमध्ये अगदी थाटात संपन्न झाला. पण त्या पूर्वीच उरणकरांचे लक्ष वेधले ते उरण शहरात लावलेल्या भव्यदिव्य 3D स्क्रीनने… या प्रोजेक्टची महती सांगणाऱ्या या स्क्रीन पाहण्यासाठी उरणकरांनी एकच गर्दी केली होती. त्यानंतर उरणच्या धर्तीवर अत्यंत सुंदर असा प्रोजेक्ट लाँच सोहळा संपन्न झाला. उरण आणि परिसरातील नावाजलेल्या व्यक्ती, सर्वपक्षीय नेते, व्यावसायिक यांनी या कार्यक्रमात हजेरी लावून ‘ग्रँड उरण सेंट्रल’ प्रोजेक्टच्या भव्यतेची अनुभूती घेतली. मराठीतील प्रसिद्ध अभिनेत्री प्रार्थना बेहेरे आणि रेश्मा शिंदे यांनी या कार्यक्रमाला चारचाँद लावले.
अभिनेत्री प्रार्थना बेहेरे हिने ‘ग्रँड उरण सेंट्रल’ प्रोजेक्ट बद्दल बोलताना सांगितले की, ही उरणकरांसाठी मोठी संधी आहे. मुंबईच्या ट्रॅफिक पासून सुटका आणि सर्वच अगदी जवळ असल्याने उरणकर नशीबवान असल्याचे या गुणी अभिनेत्रीने सांगितले.
अभिनेत्री रेश्मा शिंदे हिने या प्रोजेक्ट बद्दल अत्यंत महत्वाच्या बाबी अधोरेखित केल्या. घर, ऑफिस आणि शॉप्स देखील एकाच ठिकाणी असल्याने गुंतवणूकदारांना फॅमिलीला वेळ देता येईल, आरोग्य जपता येईल असे या सोज्वळ अभिनेत्रीने सांगितले.
ग्रँड उरण सेंट्रल हा प्रोजेक्ट इतका भव्यदिव्य आहे की, येथे पाऊल ठेवताच ते एक वेगळंच जग भासेल. भारतीय आणि आंतरराष्ट्रीय ब्रँड्स आणि त्यांचे शॉप्स येथे डौलाने विराजमान होतील. हा सुंदर मॉल डोळ्यांना सुखावणारा तर आहेच मात्र पुरेशी खेळती हवा, भरपूर सूर्य प्रकाशाने न्हाऊन निघालेली ऑफिसेस देतील आरामदायी कामाचा अनुभव… येथील फ्लॅटस फक्त भव्यता दर्शवणार नाहीत तर देतील अगदी कौटुंबिक सुख आणि समृद्धी… तेही अगदी परवडणाऱ्या दरात.. बाजार भावापेक्षा कमी किमतीची हमीच या ‘ग्रँड उरण सेंट्रल’मध्ये मिळत आहे.
उरणमध्ये १४०० square feetचे घर घ्यायचे झाले तर बाजार भावाप्रमाणे ६,२०० रुपये per square feet किंमत त्यासोबतच ५०० रुपये अतिरिक्त रक्कम आणि ५ लाखांपर्यंत पार्किंगचे पैसे मोजावे लागतात. मात्र ‘ग्रँड उरण सेंट्रल’मध्ये अवघ्या ५,६०० रुपये per square feet इतकीच किंमत तुम्हाला अदा करावी लागते आणि तब्बल १४०० square feet चे घर तुम्हाला अवघ्या ८९ लाखांमध्ये मिळून जाते.
त्याच प्रमाणे शॉप आणि ऑफिसच्या किमती देखील अत्यंत किफायतशीर अशाच आहेत. उरणमध्ये ऑफिस घ्यायचे झाले तर ९००० per square feet, ५०० रुपये अतिरिक्त रक्कम आणि १२% GST रक्कम द्यावी लागते. मात्र ‘ग्रँड उरण सेंट्रल’मध्ये अवघ्या ८,५०० रुपये per square feet इतकी किंमत आणि ५% GST देऊन तब्बल २८० square feet चे ऑफिस २५.२५ लाखांत मिळते.
शॉप घेण्यासाठी उरणच्या बाजार भावाप्रमाणे १०,००० per square feet आणि ५०० रुपये अतिरिक्त रक्कम आणि १२% GST द्यावी लागते. मात्र ‘ग्रँड उरण सेंट्रल’मध्ये अवघे ९००० रुपये per square feet इतकी किंमत आणि ५% GST सह तब्बल ३०० square feet चे शॉप गुंतवणूकदाराच्या हक्काचे बनते.
या संपूर्ण लक्झरी प्रोजेक्टमध्ये दिनांक २५ मे पासून बुकिंगला सुरुवात झाली आहे. उरणमध्ये आंतरराष्ट्रीय दर्जाच्या सोयीसुविधा आणि आपली लाईफ स्टाईल संपूर्णतः बदलवून टाकणाऱ्या या प्रोजेक्टला नक्की भेट द्या… इथे मिळेल व्यवसायाची उत्तम संधी, कुटुंबासाठी नवे आणि हवेहवेसे वाईब्स असलेले वातावरण… आणि अर्थातच आपल्या हक्काची प्रॉपर्टी घेण्यासाठी ‘ग्रँड उरण सेंट्रल’लाच निवडा असे आवाहन यावेळी करण्यात आले.
दरम्यान, थाटात संपन्न झालेल्या प्रोजेक्ट लाँच सोहळ्याला उरणचे आमदार महेश बालदी, ठाकरे गट शिवसेनेचे रायगड जिल्हाप्रमुख तथा माजी आमदार मनोहरशेठ भोईर, रायगड काँग्रेस जिल्हाध्यक्ष तथा कामगार नेते महेंद्र घरत, राष्ट्रवादी काँग्रेस पार्टीचे महाराष्ट्र राज्य सरचिटणीस प्रशांत पाटील, राष्ट्रवादीच्या प्रदेश सरचिटणीस तथा कोकण विभागीय अध्यक्षा भावना घाणेकर आदी उपस्थित होते.
आमदार महेश बालदी यांनी उरणमध्ये ‘ग्रँड उरण सेंट्रल’ सारखा भव्यदिव्य प्रोजेक्ट उभा राहत असल्याने समाधान व्यक्त केले. अनेक छोटे – मोठे प्रोजेक्ट उरणमध्ये येत आहेत, त्याचे मुख्य कारण येथे असलेली कनेक्टिव्हिटी आहे. अटल सेतू आणि आता नव्याने मंजूर झालेला करंजा – रेवस पूल देखील लवकरच सत्यात उतरणार आहे. त्यामुळे जणूकाही मुंबईच उरणला आली आहे, अशा शब्दात आमदार महेश बालदी यांनी प्रोजेक्टचे कौतुक केले.
उरणचे महत्व फार वाढले आहे, मात्र इथे छोटे प्रकल्प येत होते. ‘ग्रँड उरण सेंट्रल’ या भव्यदिव्य प्रकल्पामुळे येथेच घर आणि येथेच जॉब अशी सुवर्णसंधी येथील गुंतवणूकदारांना मिळणार आहे, सर्वकाही हाकेच्या अंतरावर आल्याने फार छान वाटतं आहे, असे वक्तव्य रायगड काँग्रेस जिल्हाध्यक्ष तथा कामगार नेते महेंद्र घरत यांनी यावेळी बोलताना केले.
अतिशय आनंदाची गोष्ट आहे. स्थानिक आणि ते सुद्धा आगरी माणसाने टाकलेले हे पाऊल भविष्यात अनेकांसाठी प्रेरणादायी ठरेल असे कौतुकोद्गार प्रशांत पाटील यांनी स्थानिक विकासक रितेश म्हात्रे आणि राजेश म्हात्रे यांच्याबाबत काढले. तसेच त्यांनी ‘अल्टो फिन’च्या ‘ग्रँड उरण सेंट्रल’ प्रोजेक्टचे तोंड भरून कौतुक केले.
छोटासा असलेला आमचा उरण आता अल्टो फिनच्या’ ग्रँड उरण सेंट्रल’मुळे जगाच्या नकाशावर आला आहे. त्याबाबत फार अभिमान वाटत असल्याचे भावना घाणेकर यांनी यावेळी म्हंटले. त्यांनी प्रोजेक्टचे कौतुक करत हा प्रोजेक्ट उरणमध्ये आणल्याबाबत आयोजकांचे विशेष आभार मानले.
