मा. आयुक्‍त तथा प्रशासक मनपा जालना यांच्या अध्‍यक्षतेखाली “मुख्‍यमंत्री – माझी लाडकी बहिण” योजनेची बैठक संपन्‍न.
जालना/प्रतिनिधी, दि.17
योजना प्रभावीपणे राबविण्‍याकरिता मदतकक्षातील नियुक्‍त अधिकारी व कर्मचारी यांना बैठकीत दिल्‍या सुचना
राज्‍यातील महिलांना आर्थिक स्‍वातंत्र्यासाठी आणि त्‍यांच्‍या आरोग्‍य व पोषणास सुधारणा करण्यासाठी व कुटुंबातील त्‍यांची निर्णायक भुमिका मजबुत करण्यासाठी महाराष्‍ट्र राज्‍यात “मुख्‍यमंत्री – माझी लाडकी बहीण” योजनेची सुरुवात करण्‍यात आली आहे. त्‍यानुसार सदरील योजनेची अंमलबजावणी म्‍हणुन जालना शहर महानगरपालिका हद्दीत एकुण ३१ ठिकाणी मदत कक्ष स्‍थापन करण्‍यात आली आहे. प्रत्‍येक मदत कक्षामध्‍ये जालना महानगरपालिकेचे ०२ लिपीक, ०२ आशा सेविका यांची नियुक्‍ती करण्‍यात आली आहे तसेच प्रत्‍येक ०३ मदत कक्षाचे नियंत्रणाकरिता ०१ सहाय्यक नोडल अधिकारी यांची नेमणुक करण्‍यात आली आहे.
करिता सदरील योजनेचा आढावा आज दिनांक १७.०७.२०२४ रोजी डॉ. बाबासाहेब आंबेडकर सभागृह, टाऊन हॉल, जालना येथे सकाळी १०.३० वा. मा. आयुक्‍त तथा प्रशासक यांच्या अध्‍यक्षतेखाली घेण्‍यात आला. सदरील बैठकीमध्‍ये मनपाचे उपायुक्‍त श्रीमती नंदा गायकवाड, वार्ड अधिकारी (वसुली लिपीक), सहाय्यक नोडल अधिकारी, सर्व लिपीक वर्ग, आशा सेविका यांची उपस्थिती होती.
सदरील बैठकीमध्‍ये मा. आयुक्‍तांनी सर्व मदत कक्षामध्‍ये नियुक्‍त अधिकारी व कर्मचारी यांना सुचना केल्‍या की, आपल्‍या मदत कक्षामध्‍ये सकाळी ९.३० ते सायंकाळी ६.३० पर्यंत हजर राहुन लाभार्थ्‍यांचे अर्ज भरुन घेणे, अर्ज ऑनलाईन करणे, लाभार्थ्‍यांचे दस्‍ताऐवज यांचा रेकॉर्ड ठेवणे इ. कामे हे विहीत वेळेत करुन घेण्‍यास कळविले.
आपल्‍या मदतकक्षाजवळील प्रभागातील सन्‍माननीय नगरसेवक व सदस्‍य यांना योजनेबाबत कळवुन पात्र लाभार्थी महिलांचे अर्ज स्‍वीकारणे व इतर बाबींकरिता अवगत करुन घ्‍यावे. “नारी शक्‍ती दुत अॅप” वर लाभार्थ्‍यांची नोंदणी करुन घेण्‍यात यावी. आपल्‍या मदतकक्षाजवळ योनजेबाबत जनजागृती करावी व परिसरातील सर्व घरांना भेटी देवुन जास्‍तीत जास्‍त लाभार्थ्‍यांचे अर्ज ऑनलाईन करण्‍यावर भर द्यावा असे त्‍यांनी सांगितले
