अल्पसंख्याक विद्यार्थी बहुल शाळा, महाविद्यालयांनी पायाभूत सुविधा अनुदान योजनेसाठी अर्ज करावेत
जालना/प्रतिनिधी,दि.25
अल्पसंख्याक विद्यार्थी बहुल शाळा, महाविद्यालयांना पायाभूत सोयी-सुविधा पुरविण्यासाठी अनुदान योजना राबविण्यात येत आहे. तरी जिल्ह्यातील अनुदान मिळवू इच्छिणाऱ्या अल्पसंख्यांक बहुल शासनमान्य खाजगी शाळा, अपंग शाळा, नगरपालिका, नगरपरिषद शाळा, औद्योगिक प्रशिक्षण संस्थांनी जालना येथील जिल्हा नियोजन समिती कार्यालयात दि. 15 सप्टेंबर 2024 पर्यंत अर्ज सादर करावेत, असे आवाहन जिल्हा प्रशासनाने केले आहे.
अल्पसंख्यांक बहुल संस्थांनी कागदपत्रांच्या मुळ, साक्षांकित प्रतीसह परिपूर्ण प्रस्ताव जिल्हा नियोजन समिती, जिल्हाधिकारी कार्यालय, जालना येथे दि.15 सप्टेंबर 2024 पर्यंत सादर करणे आवश्यक आहे. महाराष्ट्र शासनाच्या अल्पसंख्यांक विकास विभागाने सन 2024-25 या वर्षासाठी सदर योजना राबविण्यात येणार असल्याने अनुदान मिळवू इच्छिणाऱ्या अल्पसंख्यांक बहुल शासन मान्य खाजगी शाळा, अपंग शाळा, नगरपालिका/नगरपरिषद शाळा, औद्योगिक प्रशिक्षण संस्थांनी दि. 15 सप्टेंबर 2024 पर्यंत अर्ज करण्याची मुदत देण्यात आली आहे. तरी अटी व शर्ती पूर्ण करणाऱ्या शाळांनी अर्जासोबत शासन निर्णयामध्ये नमूद केल्याप्रमाणे कागदपत्रांच्या मूळ/साक्षांकित प्रती जोडून परिपूर्ण प्रस्ताव जिल्हा नियोजन समिती, जिल्हाधिकारी कार्यालय, जालना या कार्यालयात दाखल करावेत. तसेच सदर योजनेच्या अर्जाचा नमूना महाराष्ट्र संकेतस्थळावर शासन निर्णय अंतर्गत तसेच अल्पसंख्यांक विकास विभागाच्या https://mdd.maharashtra.gov.in संकेतस्थळावर योजना-शैक्षणिक अंतर्गत अर्जाचा नमुना उपलब्ध आहे. तसेच https://jalna.gov.in या संकेतस्थळावर उपलब्ध आहे. असेही प्रसिध्दीपत्रकाद्वारे कळविले आहे.
