निवडणूक कर्तव्यावर असताना राष्ट्रीय माध्यमिक व उच्च माध्यमिक विद्यालय ,नागद चे प्राध्यापक श्री प्रवीण भोकरे यांचे अपघाती निधन
निवडणूक आयोगाकडे मृत शिक्षकांच्या कुटुंबाला तीस लाखाची मदत मिळावी यासाठी मागणी
जालना/प्रतिनिधी, दि.15
राष्ट्रीय माध्यमिक व उच्च माध्यमिक विद्यालयाचे प्राध्यापक श्री प्रवीण सुधाकर भोकरे यांचे दिनांक 12 नोव्हेंबर 2024 रोजी निवडणूक कर्तव्यावर असताना अपघाती निधन झाले.
प्राध्यापक.प्रवीण सुधाकर भोकरे यांची नियुक्ती प्रोसिडिंग ऑफिसर म्हणून 106 फुलंब्री विधानसभा मतदारसंघात करण्यात आलेली होती यांचे द्वितीय प्रशिक्षण हे दिनांक 12 नोव्हेंबर 2024 रोजी युनिव्हर्सल हायस्कूल एमआयडीसी,चिकलठाणा ,छत्रपती संभाजी नगर येथे आयोजित करण्यात आलेले होते. यादरम्यान त्यांनी प्रशिक्षण यशस्वीरित्या पूर्ण करून व आपले पेपर बॅलेट मतदान करून ते आपल्या गावी घरी परत येत असताना टापरगाव पुलाजवळ ( छत्रपती संभाजी नगर – कन्नड रोडवर) दुपारी 3.50 वा. त्यांचा अपघात झाला या अपघातामध्ये त्यांच्या डोक्याला जबर मार लागल्यामुळे त्यांचे अपघाती निधन झाले.
निवडणूक आयोगाकडे मृत शिक्षकांच्या कुटुंबाला तीस लाखाची मदत मिळवी ती त्यांच्या कुटुंबाला लवकरात लवकर मिळावी हया विनंतीचे निवेदन श्री. संजय भातलवंडे सर (संयोजक भाजपा शिक्षक आघाडी मराठवाडा विभाग) सौ. ज्योती राजेश देशमुख मराठवाडा सहसंयोजक भाजपा शिक्षक आघाडी तसेच श्री. रंगनाथजी लघाने जिल्हाध्यक्ष भाजपा शिक्षक आघाडी छत्रपती संभाजी नगर यांनी निवासी उपजिल्हाधिकारी श्री. विनोद खिनोळकर यांच्याकडे निवेदनाद्वारे केली.तसेच निवडणुकीच्या दिवशी सर्व साहित्य जमा करण्यास उशीर होतो आणि दुसऱ्या दिवशी आपापल्या शाळेच्या ड्युटीवर जाणे शक्य होईलचअसे नसते त्यामुळे दुसऱ्या दिवशी सुटी दयावी अशी विनंती निवासी उपजिल्हाधिकारी यांना दिलेल्या निवेदनात केली आहे.
