भारतीय प्रजासत्ताक दिनानिमित्त पालकमंत्री अतुल सावे यांच्या हस्ते मुख्य शासकीय ध्वजारोहण

0 3 1 3 8 6

🔊 बातमी ऐका

जालना/प्रतिनिधी,दि.24

भारतीय प्रजासत्ताक दिन सभारंभानिमित्त जालना येथील पोलीस मुख्यालय मैदानावर मुख्य शासकीय ध्वजारोहणाचा कार्यक्रम गृहनिर्माण, इतर मागास बहुजन कल्याण मंत्री तथा जालना जिल्ह्याचे पालकमंत्री अतुल सावे यांच्या हस्ते 26 जानेवारी 2024 रोजी सकाळी 9.15 वाजता होणार आहे.
तर जिल्हाधिकारी कार्यालयाच्या प्रशासकीय इमारतीच्या प्रांगणात जिल्हाधिकारी डॉ. श्रीकृष्ण पांचाळ यांच्या हस्ते सकाळी 8.15 वाजता ध्वजारोहण केले जाणार आहे. तरी सर्व शासकीय, निमशासकीय, सहकारी संस्था आदी कार्यालयातील अधिकारी व कर्मचाऱ्यांनी राष्ट्रीय पोषाखात ध्वजारोहणास उपस्थित रहावे, असे आवाहन जिल्हा प्रशासनाच्या वतीने करण्यात आले आहे.