जिल्हाधिकारी कार्यालयातील विभागांच्या सहाय्यक जन माहिती अधिकारी, जन माहिती अधिकारी व प्रथम अधिकारी यांचे आदेश जारी
जालना/प्रतिनिधी,दि. 10
माहितीचा अधिकार अधिनियम 2005 चे कलम 5(1), 5 (2) नुसार सहाय्यक जन माहिती अधिकारी, जन माहिती अधिकारी व प्रथम अपिलीय अधिकारी यांचे प्रशासकीय कामकाज सोयीच्या दृष्टीने होण्यासाठी अंशत: बदल करुन सुधारीत आदेश तयार करण्यात आले आहे. माहितीचा अधिकार अधिनियम 2005 चे कलम 5(1), 5 (2) नुसार जिल्हाधिकारी कार्यालय, यांच्या अधिनस्त संबंधित सर्व विभाग जिल्हाधिकारी कार्यालय यांचे सहाय्यक जन माहिती अधिकरी, जन माहिती अधिकारी व प्रथम अपिलीय अधिकारी यांचे सुधारीत आदेश जारी करण्यात आल्याचे उपजिल्हाधिकारी (सामान्य प्रशासन) यांनी कळविले आहे.
या सुधारित आदेशानुसार उपजिल्हाधिकारी निवडणुक विभागातील सहाय्यक जन माहिती अधिकारी म्हणुन संबंधित सहायक महसुल अधिकारी/महसूल सहायक हे कामकाज करणार आहेत. तसेच जन माहिती अधिकारी म्हणुन नायब तहसिलदार तर प्रथम अपिलीय अधिकारी म्हणुन उपजिल्हा निवडणुक अधिकारी जालना हे कामकाज करणार आहेत. उपजिल्हाधिकारी सामान्य विभागातील सहाय्यक जन माहिती अधिकारी म्हणुन संबंधित सहायक महसूल अधिकारी/ महसूल सहायक हे कामकाज करणार आहेत. तसेच जन माहिती अधिकारी म्हणुन नायब तहसिलदार तर प्रथम अपिलीय अधिकारी म्हणुन तहसिलदार सर्वसाधारण हे कामकाज करणार आहेत. उपजिल्हाधिकारी भुसंपादन (लसिका) (समन्वय) जालना या विभागात सहाय्यक जन माहिती अधिकारी संबंधित महसूल सहायक हे कामकाज करणार आहेत. तसेच जन माहिती अधिकारी म्हणुन संबंधित सहायक महसुल अधिकारी तर प्रथम अपिलीय अधिकारी म्हणुन उपजिल्हाधिकारी भुसंपादन (लसिका) जालना हे कामकाज करणार आहेत. उपजिल्हाधिकारी पुनर्वसन जालना या विभागात सहाय्यक जन माहिती अधिकारी संबंधित महसूल सहायक हे कामकाज करणार आहेत. तसेच जन माहिती अधिकारी म्हणुन संबंधित सहायक महसुल अधिकारी तर प्रथम अपिलीय अधिकारी म्हणुन उपजिल्हाधिकारी पुनर्वसन जालना हे कामकाज करणार आहेत. उपजिल्हाधिकारी रोहयो जालना या विभागात सहाय्यक जन माहिती अधिकारी म्हणुन संबंधित सहायक महसूल अधिकारी/महसूल सहायक हे कामकाज करणार आहेत. तसेच जन माहिती अधिकारी म्हणुन नायब तहसिलदार (रोहयो) तर प्रथम अपिलीय अधिकारी म्हणुन उपजिल्हाधिकारी रोहयो जालना हे कामकाज करणार आहेत.
तसेच उपजिल्हाधिकारी नियोजन अधिकारी जालना या विभागात सहाय्यक जन माहिती अधिकारी म्हणुन संशोधन सहाय्यक हे कामकाज करणार आहेत. तसेच जन माहिती अधिकारी म्हणुन सहाय्यक जिल्हा नियोजन अधिकारी तर प्रथम अपिलीय अधिकारी म्हणुन जिल्हा नियोजन अधिकारी जालना हे कामकाज पाहणार आहेत. उपजिल्हाधिकारी पुरवठा अधिकारी जालना या विभागात सहाय्यक जन माहिती अधिकारी म्हणुन संबंधित सहायक महसुल अधिकारी/महसूल सहायक हे कामकाज करणार आहेत. तसेच जन माहिती अधिकारी म्हणुन सहाय्यक जिल्हा पुरवठा अधिकारी तर प्रथम अपिलीय अधिकारी म्हणुन जिल्हा पुरवठा अधिकारी जालना हे कामकाज करणार आहेत. उपजिल्हाधिकारी खनिकर्म अधिकारी जालना या विभागात सहाय्यक जन माहिती अधिकारी म्हणुन संबंधित सहायक महसुल अधिकारी/महसुल सहायक हे कामकाज करणार आहेत. जन माहिती अधिकारी म्हणुन जिल्हा खनिकर्म अधिकारी तर प्रथम अपिलीय अधिकारी म्हणुन निवासी उपजिल्हाधिकारी जालना हे कामकाज पाहणार आहे. आस्थापना विभागातील सहाय्यक जन माहिती अधिकारी म्हणुन संबंधित सहायक महसुल अधिकारी/महसुल सहायक हे कामकाज करणार आहेत. तसेच जन माहिती अधिकारी म्हणुन नायब तहसिलदार (आस्था) तर प्रथम अपिलीय अधिकारी म्हणुन निवासी उपजिल्हाधिकारी जालना हे कामकाज करणार आहेत. तहसिलदार महसुल (महसूल शाखा) जिल्हाधिकारी कार्यालय जालना विभागातील सहाय्यक जन माहिती अधिकारी म्हणुन संबंधित सहायक महसुल अधिकारी/महसुल सहायक हे कामकाज पाहणार आहेत. तसेच जन माहिती अधिकारी म्हणुन नायब तहसिलदार (महसूल) तर प्रथम अपिलीय अधिकारी म्हणुन तहसिलदार (महसूल) हे कामकाज करणार आहेत. तहसिलदार (संगायो) जिल्हाधिकारी कार्यालय जालना विभागातील सहाय्यक जन माहिती अधिकारी म्हणुन संबंधित सहायक महसुल अधिकारी/महसुल सहायक हे कामकाज पाहतील, जन माहिती अधिकारी म्हणुन नायब तहसिलदार (संगायो) तर प्रथम अपिलीय अधिकारी म्हणुन निवासी उपजिल्हाधिकारी जालना हे कामकाज करणार आहे. जिल्हा प्रशासन अधिकारी, नगर पालिका प्रशासन, जालना विभागातील सहाय्यक जन माहिती अधिकारी म्हणुन संबंधित सहायक महसुल अधिकारी/महसुल सहायक हे कामकाज पाहतील, जन माहिती अधिकारी म्हणुन कार्यालयीन अधिक्षक, नगर पालिका प्रशासन कार्यालय जालना तर प्रथम अपिलीय अधिकारी म्हणुन जिल्हा प्रशासन अधिकारी, न.पा.प्र. जालना हे कामकाज पाहणार आहेत. उपचिटणीस, गृहशाखा जिल्हाधिकारी कार्यालय, जालना विभागातील सहाय्यक जन माहिती अधिकारी म्हणुन संबंधित सहायक महसुल अधिकारी/ महसुल सहायक हे कामकाज पाहतील, जन माहिती अधिकारी म्हणुन उपचिटणीस तर प्रथम अपिलीय अधिकारी म्हणुन जिल्हा प्रशासन अधिकारी, निवासी उपजिल्हाधिकारी, जालना हे कामकाज करणार असल्याचे सुधारित आदेश उपजिल्हाधिकारी (सा.प्र.) नम्रता चाटे यांनी जारी केले आहेत.
