“राष्ट्रीय स्तरावर निवड झालेल्या कु.ऋतुजा पवार चा सत्कार”
टेंभुर्णी/ सुनिल भाले,दि.10
क्रीडा व युवक सेवा संचालनालय, महाराष्ट्र राज्य पुणे व जिल्हा क्रीडा अधिकारी कार्यालय चंद्रपूर, यांच्या संयुक्त विद्यमाने तालुका क्रीडा संकुल बल्लारपूर – विसापूर येथे संपन्न झालेल्या राज्यस्तरीय शालेय मैदानी क्रीडा स्पर्धा (19 वर्षे वयोगटातील) भालाफेक या मैदानी क्रीडा प्रकारात, श्रीमती.जे.बी.के. विद्यालय व नवभारत उच्च माध्यमिक विद्यालय टेंभुर्णी जि.जालना. ची विद्यार्थिनी.कु.ऋतुजा शांताराम पवार हिने घवघवीत यश संपादन करत “राष्ट्रीय स्पर्धेत” महाराष्ट्र राज्याचे नेतृत्व करण्यासाठी निवड झाल्याबद्दल जिल्हा क्रीडा अधिकारी अरविंद विद्यागर यांच्या हस्ते एका विशेष कार्यक्रमात कु.ऋतुजा शांताराम पवार तसेच नवभारत कनिष्ठ महाविद्यालयाचे प्राचार्य. भास्कर चेके यांचा सत्कार करण्यात आला.तसेच राष्ट्रीय स्तरावर होणा-या स्पर्धेसाठी शुभेच्छा देण्यात आल्या. याप्रसंगी नुतन शाळेचे अध्यक्ष राजेंद्र राख, क्रीडा मार्गदर्शक संतोष वाबळे, शेख चाँद पी.जे, मुख्याध्यापक. काळुसे, श्रीमती. जे .बी. के. विद्यालयाचे क्रीडा शिक्षक तथा मार्गदर्शक राजेश शेवाळे,100 शिक्षक क्लबचे अध्यक्ष राजेभाऊ मगर, संदीप इंगोले व पालक मोठ्या प्रमाणात उपस्थित होते उपस्थित होते. २५डिसेंबर २०२३रोजी चंद्रपुर जिल्हा बल्लारपूर -विसापूर येथे होणाऱ्या या राष्ट्रीय स्तरावरील स्पर्धेसाठी नवभारत शिक्षण संस्थेचे अध्यक्ष संजय काबरा उपाध्यक्ष शेख जमीर शेख अमीर, सचिव.सत्यनारायण सोनी, कोषाध्यक्ष सुभाष राठी, जेष्ठ संचालक मधुकर निकम,प्रा.दत्ताजीराव देशमुख, संचालक विष्णू सांगुळे, मुख्याध्यापक प्राचार्य भास्कर चेके,उपमुख्याध्यापक नंदकुमार काळे, पर्यवेक्षक पंजाबराव सोळंके सांस्कृतिक कार्यक्रम प्रमुख-एस. बी.बोरकर, ॲड.प्रेमसुख काबरा, सर्व शिक्षक शिक्षकेत्तर कर्मचारी, गावकरी यांच्या वतीने शुभेच्छा देण्यात आल्या.
