तिसरी ते आठवीच्या विद्यार्थ्यांच्या पायाभूत चाचणीमध्ये १७ ऑगस्टला भाषा विषयावर होणार आहे. तसेच १८ ऑगस्टला गणित आणि १९ ऑगस्ट रोजी इंग्रजी विषयाची लेखी परीक्षा घेतली जाणार आहे.
पहिली संकलित मूल्यमापन चाचणी परीक्षा ऑक्टोबरच्या शेवटच्या आठवड्यात किंवा नोव्हेंबर महिन्याच्या पहिल्या आठवड्यात घेतली जाईल. दुसरी संकलित मूल्यमापन चाचणी एप्रिलच्या पहिल्या किंवा दुसऱ्या आठवड्यात घेण्याचे नियोजन आहे, असे विद्या प्राधिकरणाने म्हटले आहे.
अध्यापन प्रक्रिया सुलभ करण्यास मदत व्हावी, हा या चाचण्यांचा मुख्य हेतू असणार आहे. या चाचण्यांच्या माध्यमातून विद्यार्थ्यांना अध्ययन निष्पत्ती संपादणूक पडताळणे आणि राष्ट्रीय संपादणूक सर्वेक्षणातील संपादणूक वाढवण्यास मदत होणार आहे. तसेच अध्ययनात मागे असणाऱ्या विद्यार्थ्यांना पुढे नेण्यासाठी कृती कार्यक्रम तयार करणे हा या चाचण्यांचा उद्देश आहे. या चाचण्यांच्या माध्यमातून विषयनिहाय राज्याची संपादणूक स्थिती समजून घेतली जाणार आहे, अशी माहिती देखील विद्या प्राधिकरणाने दिली आहे.
