जालन्यातील भोकरदनमध्ये अवैध मद्यासह ७२ हजार ६८० रुपयांचा मुद्देमाल जप्त

जालना/प्रतिनिधी,दि.11

राज्य उत्पादन शुल्क विभागाच्या भोकरदन कार्यालयाने अवैध मद्य विक्री विरोधात विशेष मोहीम राबवून आज सकाळी केलेल्या कारवाईत १७.२८ बल्क लिटर देशी दारू आणि एक दुचाकी वाहन असा एकूण ७२ हजार ६८० रुपये किमतीचा मुद्देमाल जप्त करण्यात आला. या प्रकरणी एक गुन्हा दाखल केला असल्याची माहिती उत्पादन शुल्क विभागाच्या अधीक्षक ज्ञानेश्वरी अहिरे यांनी दिली.

राज्य उत्पादन शुल्क विभागाच्या दि. ६ ते १० सप्टेंबर २०२६ या कालावधीत विशेष मोहिम राबवून आतापर्यंत एकूण ७३ गुन्हे नोंदविले. या कारवाईत ७० जणांना अटक करण्यात आली असून ४ लाख ६५ हजार ९४ रुपये किमतीचा मुद्देमाल जप्त करण्यात आला आहे. राज्य उत्पादन शुल्क विभागाकडून अवैध मद्यनिर्मिती, वाहतूक आणि विक्रीविरोधातील कारवाई सुरू राहणार असल्याचे श्रीमती अहिरे यांनी कळविले आहे.

**