उरण तालुक्यातील भेंडखळ येथे पोलीरीस कंपनीत समर्थ रायगड जनरल कामगार संघटने अंतर्गत कार्यरत असणारे इलेक्ट्रिशन व मेंटेनन्सचे काम करणारे कर्मचारी कार्यरत असून या कंपनीत समर्थ रायगड जनरल कामगार संघटना व जीएमसी मेंटेनन्स वर्क एल एल पी यांच्यात वेतन वाढीचा यशस्वी संपन्न झाला. या करारा अंतर्गत कामगारांना तीन वर्षासाठी प्रति महिना प्रति व्यक्ती ६२५० रुपये इतकी वेतन वाढ करण्यात आली आहे. तसेच पगारवाढी सोबत बोनस व इतर सेवा सुविधा जसे की रजा, सुरक्षा साहित्य, युनियनची देणी, थकबाकी आदी सुविधा कामगारांना मिळणार आहेत. या करारा प्रसंगी समर्थ रायगड जनरल कामगार संघटनेचे संस्थापक अध्यक्ष अतुल भगत, युनियन लीडर नैनेश म्हात्रे, किशोर बनसोडे, जीएमसीचे मालक इरफान पटेल, ऍडमिन ऑफिसर अरुण माने, चिटणीस अजय पाटील यांच्यासह इतर पदाधिकारी उपस्थित होते. या करारामुळे कामगार वर्गामध्ये आनंदाचे वातावरण पसरले असून कामगारांनी समर्थ रायगड जनरल कामगार संघटनेचे तसेच जीएमसी मालक इरफान पटेल,पोलीरिस कंपनी प्रशासनाचे आभार मानले आहेत. समर्थ रायगड जनरल कामगार संघटनेच्या माध्यमातून हे यशस्वी करार संपन्न झाल्याने संघटनेच्या कार्याचेही सर्वत्र कौतुक होत आहे. कामगारांच्या न्याय हक्कासाठी कामगारांना त्यांचे हक्क व अधिकार मिळवून देण्यासाठी सतत प्रयत्नशील असलेल्या समर्थ रायगड जनरल कामगार संघटनेची यशस्वी घोडदौड मोठ्या प्रमाणात सुरू असून कामगार वर्ग मोठ्या प्रमाणात संघटनेकडे आकर्षित होत असल्याचे चित्र पाहायला मिळत आहे.
