महानगरपालिकेसमोरच मृत्यूचा सापळा, महावितरणचा हलगर्जीपणा – सभापती संध्या देठे यांचा उपोषणाचा इशारा

जालना/प्रतिनिधी, दि.29

जालना शहर महानगरपालिका कार्यालयासमोर, प्रभाग क्र. 9 मधील स्वामी विवेकानंद चौक ते महात्मा गांधी रोडवर रस्त्याच्या मधोमध असलेला जुना व धोकादायक विद्युत पोल गेल्या दीड वर्षापासून मृत्यूचा सापळा बनला आहे.

सभापती सौ. संध्या संजय देठे यांनी व जालना शहर महानगरपालिका विद्युत विभाग अभियंता कोमल गावंडे यांनी वेळोवेळी अतिरिक्त कार्यकारी अभियंता, MSEDCL यांना 4 वेळा पत्र देऊन (05/08/2025, 25/09/2025, 08/06/2026, 08/07/2026) पोल शिफ्टिंगची सुधारित अंदाजपत्रक याची परवानगी मागणी केली, मात्र महावितरणने कुठलीच दखल घेतली नाही. या पोलमुळे अनेक अपघात होऊन नागरिक जखमी झाले आहेत. व मृत्युमुखी पडले आहेत

या हलगर्जीपणाचा निषेध करत सभापती देठे यांनी इशारा दिला आहे की, 7 दिवसात पोल स्थलांतरित न केल्यास त्या थेट महावितरण कार्यालयात उपोषणाला बसणार आहेत.

——————————————————————-
महावितरणच्या अधिकाऱ्यांच्या निष्काळजीपणामुळे जर एखाद्या नागरिकाचा जीव गेला तर याला जबाबदार कोण? महानगरपालिकेसमोरचाच पोल दीड वर्ष हलवता येत नाही, तर सर्वसामान्य जनतेचे काय असा प्रश्न निर्माण होत आहे